Piloti i Formula 1, Lewis Hamilton, ka thyer heshtjen për marrëdhënien e tij me Kim Kardashian, duke e lavdëruar atë për mbështetjen e vazhdueshme gjatë fundjavës së Grand Prix të Monakos 2026.
Pas përfundimit në vendin e dytë në garë, Hamilton u shpreh në një intervistë se prania e saj në pistë ishte shumë e rëndësishme për të.
“Është fantastike që ajo erdhi këtë fundjavë dhe më mbështeti,” tha ai. Lewis shtoi se kishte pasur një mbështetje të gjerë nga familja dhe miqtë e tij gjatë eventit.
“Nuk di çfarë të them tjetër… është shumë e rëndësishme të kesh njerëz të mirë pranë vetes. Ajo më mbështet çdo ditë,” u shpreh Hamilton me buzëqeshje.
Çifti u pa shumë i afërt gjatë ceremonisë së ndarjes së trofeve, ku Hamilton i dërgoi një puthje Kim Kardashian, ndërsa ajo e ndiqte nga publiku. Kim, e cila ishte në Monaco së bashku me motrën e saj Khloé Kardashian, u pa duke festuar suksesin e pilotit.
Kiim Kardashian dhe Khloé Kardashian mbërritën në Monaco për të mbështetur Hamilton gjatë fundjavës së garës.
Kim dhe Lewis, të cilët njihen prej më shumë se një dekade, nisën të përfliten si çift në fund të vitit 2025 dhe më pas e bënë lidhjen publike në fillim të vitit 2026.
Që prej asaj kohe, ata janë parë së bashku në disa raste, përfshirë edhe momente intime në Malibu dhe paraqitje në evente të mëdha në SHBA.
