Policia britanike arrestoi të dielën 5 persona nën dyshimet për terrorizëm dhe vepra penale me eksplozivë pranë një baze ajrore në Angli, e cila përdoret nga bombarduesit me rreze të gjatë veprimi amerikanë në luftën kundër Iranit.
Njësitë e ushtrisë për çaktivizimin e bombave shkuan në vendngjarje, ndërsa dhjetëra shtëpi aty pranë janë evakuuar si masë paraprake, teksa hetimi është duke vijuar.
Arrestimet u kryen pasi u morën informacione nga banorët e zonës menjëherë pas mesnatës. Personat nuk janë identifikuar dhe për ta nuk është dhënë asnjë e detaj për një motiv të mundshëm.
Përveç veprave të dyshuara penale me eksplozivë, burrat u “arrestuan më tej me dyshimin për përgatitje të një akti terrorist”, sipas policisë kundër terrorizmit. Ligjet kundër terrorizmit i lejojnë policisë së Mbretërisë së Bashkuar të mbajë në arrest të dyshuarit deri në 14 ditë para se të akuzohen.
Presidenti i SHBA-së, Donald Trump, i quajti arrestimet “fantastike”, duke thënë se SHBA-të dhe Mbretëria e Bashkuar i kishin personat nën hetim për “një kohë të gjatë”.
“Të punoja me Britaninë, ishte një punë e mrekullueshme”, u tha Trump gazetarëve në Çikago. “Ata po kërkonin të shkaktonin dëme të mëdha në fortesën tonë dhe puna me britanikët funksionoi shkëlqyeshëm. I kishim nën vëzhgim për një kohë të gjatë dhe i kapëm”, tha ai.
Ambasada e SHBA-së në Londër i paralajmëroi amerikanët në Mbretërinë e Bashkuar të “ushtrojnë kujdes dhe të jenë të vetëdijshëm për sigurinë personale” pas arrestimeve. ©LAPSI.al
