Taylor Swift dhe Travis Kelce kanë vendosur një rregull të pazakontë për dasmën e tyre të ardhshme: të ftuarit nuk duhet t’u sjellin dhurata.
Lajmi u zbulua nga miku i çiftit, lojtari i NFL George Kittle, i cili tha në një intervistë për “Extra TV” se të dy kanë kërkuar qartë që të mos marrin asgjë materiale nga të ftuarit.
“Ata thanë absolutisht asnjë dhuratë,” u shpreh Kittle, duke shtuar se megjithatë ai vetë planifikon t’u bëjë një dhuratë simbolike.
Çifti i njohur, Taylor Swift dhe Travis Kelce, po përgatiten për ceremoninë e martesës që raportohet se do të zhvillohet më 3 korrik në New York.
Sipas burimeve, dasma pritet të mbahet në Madison Square Garden dhe do të jetë një nga eventet më të komentuara të vitit në botën e showbiz-it.
Miqtë e çiftit kanë treguar se përgatitjet janë duke u mbajtur në fshehtësi të plotë, ndërsa lista e të ftuarve përfshin emra të njohur nga industria e muzikës, sportit dhe showbiz-it.
Ndërkohë, Swift dhe Kelce kanë festuar së fundmi edhe aktivitetet e tyre para-dasmës në rrethe të ngushta shoqërore, në Rhode Island dhe Los Angeles.
