Është bërë virale një video e Sekretarit të Shëndetësisë të SHBA-së, Robert F. Kennedy Jr., duke kapur disa gjarpërinj që përdridhen me duar të zhveshura.
Kennedy shkroi se po i largonte zvarranikët nga shtëpia e kolegut të tij, Dr. Mehmet Oz, në plazhin e Floridës. Autoritetet sqaruan se gjarpërinjtë nuk ishin helmues, por gjithsesi nënvizon që askush të mos e provojë një gjë të tillë në shtëpi.
Videoja e postuar nga Kennedy e tregon atë të veshur me një këmishë, pantallona, çorape dhe pa këpucë teksa u afrohet gjarpërinjve që rrëshqasin kur ai përkulet për t'i kapur.
Një grua dëgjohet duke thënë: "Bobby, të lutem." Më pas Kennedy i mban lart gjarpërinjtë para kamerës, duke buzëqeshur edhe kur ata duket se e kafshojnë.
Komisioni i Ruajtjes së Peshqve dhe Jetës së Egër në Florida i paralajmëroi njerëzit të qëndrojnë larg gjarpërinjve pasi ata bëhen më aktivë në pranverë. "Jepuni gjarpërinjve një distancë të gjatë dhe admirojini nga larg," – shkroi agjencia në një postim në Facebook.
Ky është episodi më i fundit i takimeve praktike të RFK Jr me mbretërinë e kafshëve. Në prill ai u pyet në Capitol Hill në lidhje me lajmet se ai i preu penisin një rakuni të vrarë në rrugë.
Kennedy u përball gjithashtu me kritika dy vjet më parë nga ambientalistët për një pretendim se ai dikur i kishte prerë kokën një balene të ngordhur në breg me një sharrë elektrike për ta çuar atë në shtëpi në çatinë e automjetit të tij. ©LAPSI.al
