Policia ka arrestuar pas katër ditësh autorin që grabiti një pikë karburanti në Krastë të Krujës. Sipas informacioneve autori i dyshuar nuk i është bindur urdhrit të policisë për të ndaluar dhe ka tentuar të largohet me makinë, ku pasagjer ishte edhe një i mitur.
Gjatë këtij aksioni autori ka pësuar edhe një aksident dhe pas përplasjes së automjetit ka tentuar të largohet në këmbë. Por arratisja nuk zgjati shumë pasi ai ra në prangat e policisë.
Para bluve ai ka pranuar autorësinë e grabitjes dhe ka treguar edhe një vend ku mbante fshehur armë zjarri. Policia ka sekuestruar një kallashbikov dhe një pushkë.
