Wladimir Klitschko ka reaguar pas vdekjes tragjike të ish-të fejuarës së tij, aktores Hayden Panettiere, me të cilën kishte vajzën, Kaya.
Boksieri ukrainas ndau në Facebook një fotografi të vjetër me Panettiere dhe vajzën e tyre, duke shprehur dhimbjen për humbjen e aktores, e cila ndërroi jetë më 16 gusht në moshën 36-vjeçare.
“Familja jonë po kalon një periudhë tronditjeje dhe pikëllimi të thellë. Lajmi për vdekjen tragjike të Hayden më ka trishtuar jashtëzakonisht. Ajo u largua nga kjo botë shumë herët”, shkroi Klitschko.
Ai theksoi se, edhe pse Hayden nuk ishte më partnerja e tij, ajo kishte qenë një person i rëndësishëm në jetën e tij dhe nëna e vajzës së tyre.
“Hayden ishte një pjesë e rëndësishme e jetës sime dhe nëna e vajzës sonë, Kaya”, u shpreh ai.
Klitschko vlerësoi gjithashtu karrierën e saj, duke thënë se ajo ndërtoi një karrierë të jashtëzakonshme falë talentit të saj, ndërsa u përball edhe me anën më të vështirë të industrisë së argëtimit.
“Asgjë nuk do t’i fshijë momentet që kemi ndarë apo vendin që ajo kishte në jetën tonë”, shkroi ai.
Duke iu drejtuar vajzës së tyre, Kaya, ai shtoi: “Do të flas gjithmonë për nënën e saj me respekt dhe do të sigurohem që ajo të kujtojë personin që ishte.”
Klitschko shprehu ngushëllimet për prindërit, miqtë dhe fansat e Panettiere, duke kërkuar gjithashtu respekt për privatësinë e familjes në këtë periudhë të vështirë.
Hayden Panettiere dhe Wladimir Klitschko nisën lidhjen në vitin 2009 dhe u fejuan në vitin 2013. Ata u bënë prindër të Kaya në dhjetor 2014, ndërsa u ndanë zyrtarisht në vitin 2018.
Në atë periudhë, Panettiere hoqi dorë nga kujdestaria e vajzës së saj, e cila shkoi të jetonte me Klitschkon. Aktorja kishte folur më vonë hapur për vështirësitë që kishte përjetuar me depresionin pas lindjes dhe varësinë.
Sipas autoriteteve, Panettiere u gjet pa ndjenja në një apartament në Greenville County, South Carolina, më 16 gusht. Ajo u shpall e vdekur në orën 14:32.
Autoritetet kanë deklaruar se nuk kishte shenja dhune apo traume, ndërsa shkaku zyrtar i vdekjes ende nuk është bërë i ditur.
