Trupi i pajetë i policit Kastriot Fafaj, që vrau veten në komisariatin e Fierit, ka mbërritur në banesën e tij pasditen e sotme. Babai, Shyqyri Fafaj, thotë se i biri nuk ka shfaqur shenja se do të ndërmerrte një akt të tillë, ndërsa deklaron se ka qenë i ngarkuar vetëm me dokumentacionin për vettingun e nisur në Policinë e Shtetit.
“I kërkonin dokumente që nuk kishin lidhje me të. Nuk ka shfaqur asnjë shenjë që do ndërmerrte një akt të tille. Ishte shumë njeri i pastër, por e kishin ngarkuar shume emocionalisht me këto dokumente. E kanë stresuar shumë, pasi kishte kërkesa të mëdha. Kërkonin edhe lëvizjet e mia në Greqi, sa pension merrja, dokumentet e tokës. Nuk dimë nëse ka pasur ndonjë shqetësim tjetër", është shprehur babai i oficerit të policisë.
https://www.youtube.com/watch?v=fW_kv6cJW6Y&feature=youtu.be
©LAPSI.al
