“Ata kanë dështuar në qeverisje, por edhe ne nuk ia dolëm që të çonim deri në fund reagimin tonë”,- deklaroi Lulzim Basha në Kuvendin Kombëtar të Partisë Demokratike.
Basha shprehet optimist për të ardhmen e Partisë Demokratike.
“Unë kam pranuar gabimet e mia, por gjithçka e kam bërë për t’iu ardhur në ndihmë qytetarëve. Jam i vetëdijsheëm për gabimet e mia, i ndikuar nga rrethanat. Kam dëgjuar kritikat tuaja, dhe kam marrë mbështetjen tuaja. Kam bindjen se duke mësuar nga gabimet do ta forcojmë PD”,- u shpreh Basha.
Kryedemokrati i ftoi të gjithë demokratët dhe gjithë qytetarët që të bashkohen për të ndryshuar situatën në të cilën ndodhet vendi. Duke bërë përgjegjës kryeministrin Rama për gjendjen e vështirë ekonomike të qytetarëve, mungesën e sigurisë, dhe të shpresës, Basha tha se politika i ka zhgënjyer qytetarët.
