Festimet për fitoren e Joe Biden dhe Kamala Harris janë shtrirë deri në Indi, aty ku e ka origjinën Harris, e cila është zgjedhur zëvendëspresidente e SHBA.
Në fshatin jugor indian të Thulasendrapuram, këtë të dielë banorët festuan me foton e Harris, raporton BBC.
Fshatarët ishin të gëzuar për zgjedhjen e Kamala Harris në këtë post të rëndësishëm. Gjyshi nga nëna e saj lindi në Thulasendrapuram.
“Një histori e re për Amerikën u shkrua nga një grua të cilën ne e konsiderojmë si bijë të fshatit tonë,” i tha BBC një këshilltar për fshatin.
