Në 30 rastet e konfirmuara me koronavirus dje në Vlorë, bie në sy numri i lartë i rasteve në kopshte, shkolla dhe në administratë. Nga 30 raste, tre mësohet se janë në shkollat e qytetit të Vlorës si dhe dy mësues në kopshtet e qytetit.
Përsa i përket administratës, 3 janë të infektuar një në DRSHTR Vlorë, një në ISKSH dhe një në bashki. Dy raste me kovid janë një në policinë e Vlorës dhe një në repartin e Bunavisë. Tre punonjës janë në institucionet financiare të qytetit të Vlorës teksa 17 të tjerë janë qytetarë të thjesht, raste të kontakteve të mëparshme.
