Ndërkohë që kryeministri Rama dhe Ministrja e Arsimit Evis Kushi dolën në një konferencë për të siguruar se gjendja e pandemisë është krejtësisht nën kontroll nëpër shkolla, ish-kryeministri Sali Berisha ka përshkruar një situatë krejt tjetër. "Mbyllja e shkollave është urgjence per frenimin e pandemise" shkruan Berisha duke analizuar shifrat e pandemisë.
"Miq, dje ne Shqipëri pati 795 te infektuar nga covid19 ose 5 here me shume raste se sa me dt 15 shtator. Po keshtu pati dhe 17 vdekje apo mbi 50% te te gjitha vdekjeve te tre muajve te pare te pandemisë. Keto te dhena deshmojne se situata e pandemisë ne Shqipëri eshte jashte çdo kontrolli dhe po rrok listën me shpejtësi. Duhet mbajtur parasysh se me nje testim normal numri i rasteve te infektuara dje do te ishte 2500-3000, dhe po te mos fshiheshin vdekjet spitalore, numri i te sëmurëve te vdekur dje nga covid ne spitalet covid dhe ato te rretheve eshte rreth 36-40" shkruan Berisha.
Argumentave të Ramës dhe të ministres Kushi se edhe vende të tjera si Gjermania, Italia etj i kanë hapur shkollat, Berisha u vë përballë faktin se kushtet në Shqipëri ndryshojnë katërcipërisht nga ato në këto vende.
"Ne shkollat e Shqiperise nuk ekzistojne kushtet me minimale mbrojtese te femijeve tane nga covid 19. Shumica derrmuese e tyre jane pa uje, pa mjediset e duhura higjeno sanitare, pa dizinfektant me klasa 45 nxenes dhe ne asnje aspekt absolutisht ne asnje aspekt nuk mund te krahasohen me shkollat e Gjermanise, Frances, Britanise, Italise" thotë ish kryeministri, që denoncon faktin se janë qindra mësues që urdhërohen të vazhdojnë punën megjithëse kanë rezultuar pozitivë me covid.
