Kryetari i Partisë Demokratike, Lulzim Basha ka folur sërish rreth çështjes së hetimit të ish-drejtuesve të UÇK-së. Basha thotë këtë të enjte kryeministri Rama ka dërguar emisar tek një ish-komandat i UÇK-së të cilit i janë ofruar tenderë dhe para për të tërhequr fjalët e mira që ai kishte thënë për Bashën. Kreu i PD tha se e dinte emrin, por nuk pranoi që ta bëjë atë publik.
“Doni të dini diçka? Ta bëj një lajm të vogël sot? Sot ka çuar një personazh të Tiranës tek një nga komandantët e UÇK-së dhe i ka thënë: “Ed Rama të ka thënë hap gojën tender apo lekë, tërhiq disa fjalë që ke thënë të mira për Lul Bashën që të vazhdojmë fushatën ndaj tij”.
Pra kjo është siç e kuptoni dhe ju me induktim, s’ka nevojë. Kush është? S’kam ndërmend të ta them fare. E di shumë mirë personin që ka shkuar dhe personi që i ka kthyer fjalën dhe i ka thënë, se disa prej tyre nuk i njohin këta. Kujtojnë se janë të gjithë siç trajtojnë inceneratorët, oligarkët e inceneratorëve ashtu mund të trajtojnë edhe tjerët” – tha Basha në Syri TV. ©LAPSI.al
