Pasi eliminoi Real Madridin në gjysmëfinalen e Ligës së Kampionëve, Thomas Tuchel rrëmben skenën. Dhe e bën duke hyrë në historinë e turneut nga njëra anë dhe duke marrë një revansh të vogël ndaj PSG në anën tjetër. Një kënaqësi e dyfishtë. Pasi u shkarkua nga klubi parisien në dhjetor, trajneri gjerman është në fakt i pari që arrin një finale të Ligës së Kampionëve për dy vjet me radhë me dy skuadra të ndryshme.
Një rezultat i jashtëzakonshëm, që konfirmon cilësitë e mëdha të trajnerit dhe aftësinë e tij për të drejtuar ekipin. "Nuk është një revansh dhe jam shumë mirënjohës për të gjitha përvojat që po kaloj në botën e futbollit", tha Tuchel pas ndeshjes së kthimit me Real Madrid. "Unë nuk kam qenë një lojtar në këto nivele dhe jam me fat që kam mundësinë për të drejtuar këto klube të mëdha ".
Fjalë që duket se shkojnë përtej prishjes së raportit me PSG, por që në fund të fundit lenë të kuptohet një kënaqësi e madhe për objektivin e arritur në krye të Chelsea. Një arritje që në Paris, këtë vit, dështuan ta prekin dhe që krijon tani një lloj dyshimi në lidhje me zgjedhjen për të shkarkuar Tuchel pak para Krishtlindjeve.
