Në fund të sezonit të kaluar, fjalë për fjalë, të gjithë e donin, sepse viti i Marash Kumbullës me Veronën ishte për duartrokitje, aq sa nisi një ankand të vogël përreth tij. Ekipet e regjistruara ishin Juventus, Inter, Napoli, Lazio dhe Roma dhe në fund ishte verdhekuqtë që e siguruan në huazim me detyrimin e blerjes të kushtëzuar për 13.5 milion euro plus 3.5 të tjera bonus. Blerja përfundimtare u bë realitet janarin e kaluar me Romën që nënshkroi një kontratë me shqiptarin deri më 30 qershor 2025. Një kohë shumë e gjatë që tani e vendos Kumbullën, në mënyrë të pashmangshme, plotësisht në të ardhmen e klubit, por për të konfirmuar veten gjithashtu në qendër të projekti i ri, të drejtuar nga José Mourinho, qendërmbrojtësi i kombëtares shqiptare tani ka 4 ndeshje për të përmbysur një sezon të trazuar.
Po, sepse për Kumbullën sezoni i parë me fanellën e verdhekuqve nuk ishte i lehtë. Si për shkak të një ambienti jo të qetë të lidhur me problemet e dhomave të zhveshjes në menaxhimin e Fonsecas, ashtu edhe për shkak të ndalesave të shumta, të cilat nuk e lejuan mbrojtësin të punonte me qetësi dhe vazhdimësi. Fillimisht koronavirusi, i cili e la atë të palëvizur për më shumë se një muaj në nëntor, pastaj një problem muskulor që e bllokoi për 15 ditë në shkurt dhe së fundmi dëmtimi i meniskut në fund të marsit që rezultoi në një muaj tjetër ndalje.
Tani Kumbulla është kthyer dhe këto 4 ndeshjet e fundit do të jenë themelore për të tashmen dhe për të ardhmen e tij. Edhe pse ka luajtur pak, në fakt, Roma me shqiptarin në fushë jo vetëm ka fituar më shumë në përqindje (58% me të, kundrejt 48% pa të), por mbi të gjitha pësoi edhe më pak gola (1.37 kundër 1, 60 për ndeshje). Kumbulla me siguri do të ketë mundësinë të tregojë veten në këto 4 ndeshje dhe Roma tashmë ka bërë të ditur se ai sigurisht nuk do të shitet në verë. Mourinho tashmë po studion stafin për sezonin e ardhshëm dhe 21 vjecari nga tani dhe në fund të kampionatit do të ketë mundësinë të bëhet një qendror i artë edhe për portugezin, projekti i të cilit, i deklaruar, do të fillojë nga të rinjtë.
