Psg fiton për herë të 14 në historinë e klubit Kupën e Francës. Në finalen e Saint-Denis, parisienët superojnë 2-0 një Monaco luftarak, që u detyrua të dorëzohej në golat e Mauro Icardi në të 19’ e Kylian Mbappé në të 81’. Pas golit të parë në fakt skuadra e principatës provoi të rikthente ekuilibrin por i bëri llogaritë edhe me fatin e keq, në vecanti me traversën e goditur në të 68’ nga Gelson Martins. Në fund festa është e gjitha për të besuarit e Pochettinos.
Një ngushëllim për kryeqytetasit që një javë nga fundi i kampionatit e shohin veten në vendin e dytë, një pikë pas Lille. Skuadra e Pochettinos do të luajë në transfertën e Brest në javën e 38, ku natyrisht duhet të fitojë e të shpresojnë se Lille nuk do të arrijë ta bëjë dot në fushën e Angers.
