Princi Andrew do të jetë subjekt i një muzikal televiziv satirik në sezonin e fundit të shfaqjeve nga transmetuesi britanik Channel 4.
Djali i dytë i Mbretëreshës Elizabeth II u tërhoq nga detyrat mbretërore pas një interviste në nëntor 2019 duke diskutuar lidhjet e tij me ngacmuesin seksual të fëmijëve,Jeffrey Epstein në një program special të BBC Newsnight.
Channel 4 tha se intervista, e konsideruar gjerësisht si një katastrofë e marrëdhënieve me publikun për Andrew do të jetë pjesë e muzikalit. Ky i fundit u kritikua ashpër sepse dukej se nuk tregonte ndjeshmëri për viktimat e dhunuara të Epstein, i cili vrau veten në burg në gusht 2019.
"Scoops" do të fokusohet në arsyen pse Princi Andrew pranoi intervistën 9 me Emily Maitlis të BBC-së.
Shfaqja është pjesë e një sezoni 40-vjeçar të shfaqjeve të quajtur "Truth or Dare" për transmetuesin e katërt televiziv të Britanisë, i cili filloi në vitin 1982. Nuk është bërë ende e ditur saktësisht se kur do të transmetohet./Lapsi.al
