Moti i keq ka përfshirë vendin ditët e fundit. Reshjet e shiut kanë sjellë problematika në bashkinë e Shkodrës. Në përditësimin më të fundit të situatës raportohet se ka dalje të lumit Buna në Muriqan dhe Oblik dhe sipërfaqja e përmbytur është 275 hektarë.
Edhe në Shkodër ka mungesë të energjisë elektrike në të gjitha njësitë administrative. Po ashtu është rritur niveli i përrenjve dhe ka dalë nga shtrati përroi në Dedaj-Bogë. Për këtë arsye kalimi bëhet me rrugë alternative. Emergjenca Civile në Bashkinë e Shkodrës bën me dije se po monitorojnë situatën në terren.
