Video/ Fundi i hidhur i Leo Messi në Paris: argjentinasi fishkëllehet, PSG thyhet 3-2 me përmbysje

PSG arrin tia prishë gjithnjë festën vetes, sidomos kur nuk duhet. Ishte ndeshja e fundit e sezonit, kundër një ekipi modest si Clermont. E megjithatë klubi i emirit të Katarit arriti ta shkatërrojë mbrëmjen, duke humbur 3-2 para tifozëve të tij. Nga ana e tyre ata shënjestruan Leo Messin, duke i markuar herën e fundit si parisien me fishkëllima. Argjentinasi largohet nga Ligue 1 pa arritur të udhëheqë PSG-në drejt triumfit në Champions League. Megjithatë, një kontratë miliardere në e pret në Arabinë Saudite, gjithnjë nëse nuk kthehet te Barcelona.

DUARTROKITJE E FISHKËLLIMA

Ndërkohë, Messi, lideri i renditjes për asiste (16), largohet mes fishkëllimave dhe me një humbje që mund ta shmangte në minutën e 54', por e majta e tij shkoi lart. PSG avantazhin e mori me Ramos (16'), edhe ai në ndeshjen e lamtumirës, por ndryshe nga argjentinasi u brohorit nga stadiumi. Ish-kapiteni i Real ishte ndër të paktët që u mbështetën nga ultrasit e PSG që intonuan kore edhe në mbështetje të Sergio Rico, portierit rezervë që është rëndë në spital pas rënies nga kali. Dyfishimi mbajti firmën e Mbappé, me një penallti (19') që e bëri golashënuesin më të mirë për të pestën herë radhazi, si vetëm Papin, Leëandoëski dhe pikërisht Messi kishin bërë në të kaluarën. Më pas nisi përmbysja e Clermont. Gastien përfitoi nga një rrëmujë mes Verratti dhe Donnarumma (24'), pastaj Zeffane (46') dhe Kyei 63' kompletuan misionin.

A bitter sweet end in Paris for Lionel Messi as PSG are beaten 3-2 by Clermont... ? pic.twitter.com/9l5WyaM0lb

— Football on BT Sport (@btsportfootball) June 3, 2023

VERDIKTET

PSG përfundoi kështu me një pikë të vetme avantazh ndaj Lens, që u kualifikua direkt në Champions League. Marseille ndërkohë duhet të kalojë përmes paraeliminatireve. Me fitoren në Brest (1-2), Rennes shkon në Europa League, duke ia rrëmbyer Lille, që u ndal në Troyes (1-1) dhe shkoi në Conference. Nantes shpëtoi me fitoren 1-0 ndaj Angers. Kështu, ishte Auxerre që zbriti në Ligue 1, i mposhtur nga Lens (1-3), së bashku me Ajaccio, Troyes dhe Angers.