Këngëtarja shqiptare me famë botërore, Rita Ora, ka reaguar pas aktgjykimit të Dhomave të Specializuara në Hagë ndaj Hashim Thaçit, Kadri Veselit, Rexhep Selimit dhe Jakup Krasniqit.
Artistja ka rishpërndarë në InstaStory një postim të faqes “Image of Kosovo”, ku shfaqet emblema e Ushtrisë Çlirimtare të Kosovës, e shoqëruar me mesazhin: “Duke luftuar për Kosovë, që e quajmë shtëpi sot”.
Rita Ora nuk ka bërë një deklaratë të drejtpërdrejtë, por ka zgjedhur ta përcjellë mesazhin përmes këtij publikimi në rrjetet sociale.
Edhe këngëtarja Dua Lipa ka postuar një foto në “Instagram” me mbishkrimin “Liria ka emër”.
Reagimi vjen në ditën kur Dhomat e Specializuara shpallën aktgjykimin ndaj katër ish-krerëve të UÇK-së. Sipas vendimit, Hashim Thaçi dhe Jakup Krasniqi u dënuan me nga 25 vjet burgim, Kadri Veseli me 18 vjet, ndërsa Rexhep Selimi me 13 vjet burgim. Aktgjykimi nuk është i formës së prerë dhe mund të apelohet. . /LAPSI.al
