Politikani i CDU-së, Gunther Krichbaum ka dalë me një deklaratë të fortë sa i takon integrimit të Shqipërisë në BE, saktësisht për çeljen e negociatave. Ai ka qenë i qartë në qëndrimin e tij, teksa ka theksuar se “koha nuk është maturuar ende”.
Me këtë dekaratë të fundit, cituar nga media gjermane, kryetari i Komisionit për Europën në Bundestag, Gunther Krichbaum (CDU) i qëndron mendimit se është ende herët që Shqipëria të fillojë hapjen e negociatave në këtë moment.
“Në plan të parë paraqesin korrupsioni dhe përmasat e mëdha të krimit të organizuar një problem”- tha ai në argumentimin e tij.
Vetëm dy ditë më parë, kreu i PD-së, Lulzim Basha me një deklaratë nga selia blu, akuzoi direkt kryeministrin Rama se po përdor paratë e krimit për një fushatë të paprecedentë sulmi ndaj deputetit gjerman, duke përdorur për këtë disa media pranë tij.
Ai u akuzua ndër të tjera se po vepronte në interes të presidentit rus Vladimir Putin.
