Komisioni Evropian i bën thirrje urgjente vendeve anëtare të rrisin përgatitjet e tyre në luftën me COVID-19, në një kohë që shifrat e infektimeve rriten në Europë.
“Koha po mbaron,” tha Stella Kyriakides, Komisionerja për Shëndetin dhe Sigurinë e Ushqimit.
“Prioriteti i parë i të gjithëve duhet të jetë të bëjmë atë që duhet për të shmangur pasojat shkatërruese të izolimeve totale”.
Federata Ndërkombëtare e Kryqit të Kuq dhe Gjysmëhënës së Kuqe ka bërë thirrje të ngjashme gjithashtu (IFRC).
“Ne e dimë që komunitetet në të gjithë Evropën dëshirojnë të kthehen në normalitet. Por shifrat konfirmojnë se ne nuk kemi dalë ende nga vala e pandemisë” tha Birgitte Bischoff Ebbesen, shefe rajonale e IFRC.
“Ndërsa shkojmë drejt stinës së dimrit është më e rëndësishme se kurrë që të qëndrojmë solidarë duke ndenjur larg fizikisht”
