Kanadaja kaloi shifrën e 200 000 rasteve me COVID-19 dhe po i afrohet pragut prej 10 000 të vdekur, sipas shifrave zyrtare.
Rreth 80% të këtyre rasteve dhe më shumë se 90% e viktimave janë regjistruar në dy provincat e mëdha të vendit Ontario dhe kryesisht Kebek, epiqendra e pandemisë, që kur ajo shpërtheu në Kanada marsin e kaluar.
Dje, Kanadaja numëronte 200 039 raste dhe 9 722 të vdekur, sipas shifrave zyrtare.
Vend me 38 milionë banorë, Kanadaja numëron padyshim, në proporcion me popullsinë, rreth pesë herë më pak raste se SHBA-ja fqinje dhe rreth 2,5 herë më pak të vdekur.
Kanadaja njoftoi dje se kufiri me SHBA-në do të vazhdonte të qendronte i mbyllur për udhëtimet jo thelbësore deri më 21 nëntor për të frenuar pandeminë e COVID-19.
