Presidenti rus Vladimir Putin po pret rezultatet zyrtare të zgjedhjeve që të urojë më pas këdo që të shpallet president i SHBA-së. Këtë të hënë, një zëdhënës i Kremlinit tha se presidenti do të presë deri sa të dalë një rezultat përfundimtar dhe se presidenti do të respektojë vullnetin e shtetasve amerikanë. Edhe më herët, Putin ka thënë se është i gatshëm të bashkëpunojë me këdo që do të zgjidhej president i 46-të i Amerikës.
Joe Biden është pranuar gjerësisht si presidenti i SHBA-ve, megjithatë republikani Trump ka ngritur disa padi dhe vazhdimisht ka akuzuar demokratët për mashtrim zgjedhor.
