Për herë të 20 në historinë e tij (13 fitore) Juventusi arrin në aktin e fundit të Kupës së Italisë, duke i dhënë një dëshpërim të madh mikut-armik Antonio Conte, i detyruar t'i thotë lamtumirë trofeut të dytë sezonal pas Ligës së Kampionëve. Të fortë në 2-1 e arritur në San Siro, bardhezinjtë luajtën një ndeshje kontrolli, duke konfirmuar edhe një herë përparimin e madh në fazën mbrojtëse, një ndeshje e ngjashme me atë të sapo fituar kundër Romës, ose më saktë lënien e lojës në duart e kundërshtarit dhe ngritja e një muri autentik para Buffon. Mur në të cilin u përplasën zikaltrit, me Lukaku dhe Lautaro të cilët kurrë nuk arrijnë të bëhen të rrezikshëm.
Në pjesën e parë, pas një dominimi fillestar të Juve falë një zotërimi steril të topit, formacioni i Contes rriti presionin dhe nga anët e Hakimit dhe Barellas i krijoi jo pak probleme dyshes Alex Sandro-Bernardeschi, por pa gjetur goditjen fituese. Konkluzionet e ndryshme të Lautaros, Brozovic dhe Eriksen janë të pasakta ose të bllokuara nga mbrojtja e Juventusit. Bardhezinjtë u panë vetëm në fund, me të zakonshmin Cristiano Ronaldo i cili, mes minutës së 42 'dhe 44', shkoi në konkluzion tre herë: në të parën sakrifikohet De Vrij, në të dytën Handanovic shpëtoi me këmbët e tij dhe e treta u bllokua nga mbrojtja.
Panorama nuk ndryshoi në pjesën e dytë, Conte gjithashtu luajti letrat Perisic, Sensi dhe Kolarov madje pa gjetur atë mundësi që do të kishte rihapur cështjen kualifikim. Në të vërtetë, janë vendasit më afër për të shënuar me CR7, i cili sidoqoftë nuk është aq cinik dhe preciz si një javë më parë. Portugezi goditi keq në minutën e 59-të, ndërsa ishte një Handanoviç i shkëlqyer që i tha jo atij në minutat 64 dhe 70. Nga ana tjetër përpiqen në çdo mënyrë, por pasimi i fundit është gjithmonë i pasaktë dhe kur arrijnë të godasin ka gjithmonë një mbrojtës që ndërhyn për të shpëtuar Buffon. Në vitin e tij të parë si trajner, Pirlo arrin finalen e tij të parë. Conte lëpin plagët dhe kafshon duart për ndeshjen e vajtjes dhe ato dy dhurata (penalltia e Young ndaj Cuadrados dhe rrëmujën Handanovic-Bastoni) që vendosi kualifikimin.
