Ronald Koeman nuk përdor lojëra fjalësh për të shigjetuar Barcelonën, klub me të cilin është i lidhur me një kontratë deri në vitin 2022. "Në pjesën e fundit të sezonit nuk ndjeva besimin e klubit. Nuk kemi folur akoma për të ardhmen time dhe e kuptoj që ka dyshime në lidhje me rezultatet - shpjegoi trajneri holandez - E kuptoj që për të fituar duhet të bësh ndryshime. Nëse është cështje lojtarësh, në rregull, por duhet komunikuar".
Ish-trajneri i Holandës, në prag të ndeshjes së fundit të kampionatit spanjoll kundër Eibar, flet për të ardhmen e tij, gjithnjë e më në dyshim pas rënies së ekipit në javët e fundit dhe lamtumirës për mundësinë e fitimit të La Liga. "Nuk e di nëse do të vazhdoj, kemi vendosur të flasim për këtë në fund të sezonit, unë dua të respektoj kontratën time, por fjala e fundit i takon presidentit. Të shohim. Nëse klubi mendon se nuk jam personi i duhur, do të flasim në fund".
