Çdo shqiptar mbi 18-vjeç do të ketë mundësinë që të marrë dozën e tretë të vaksinës antiCOVID duke filluar që nga dita e sotme. Doza e tretë do të bëhet me kushtin që të kenë kaluar 6 muaj nga bërja e dozës së dytë. Lajmi është ndarë nga Ministria e Shëndetësisë, e cila ka njoftuar edhe një mbledhje sot të Komitetit të Ekspertëve.
Kujtojmë se nga 1 nëntori të moshuarit +60 vjeç filluan të marrin dozën e tretë të vaksinës, ndërsa fëmijët 12-17 vjeç, të shoqëruar nga prindërit, mund ta bëjnë vaksinën. Me ndryshimin e fashës për moshat, njoftohet se kryeministri Edi Rama do të jetë i pranishëm në ambientet e stadiumit “Air Albania” për marrjen e dozës së tretë të vaksinës.
