Ndërsa Enkelejd Alibeaj doli në një konferencë nga selia blu, nga e njëjta sallë vetëm pak minuta pasi mbaroi Sali Berisha, një ngjarje e çuditshme ndodhi.
Teksa Alibeaj po përsëriste fabulën e ngritur prej tij se vendimi i Gjykatës së Tiranës për njohjen e Kuvendit të 11 dhjetorit të Berishës nuk ishte i formës së prerë, një zë gruaje me tone histerike interferoi në fjalën e tij. Me britma dhe ulërima të jashtëzakonshme, gruaja që duket në fund të videos më poshtë detyroi Alibeajn për pak çaste të ndryshojë kursin e qëndrimit të tij.
Ndërkohë, jashtë sallës, ishte Gazment Bardhi ai që përpiqej të qetësonte zonjën në fjalë, identiteti i së cilës nuk dihet ende. Çka ra në sy ishte se gruaja ndërsa bërtiste, mbante në dorë një kartë me logon e Partisë Demokratike. ©LAPSI.AL
Lexo më tej: Pas dyerve të mbyllura/ Çfarë ndodhi në takimin e Berishës me Bardhin e Alibeajn
