Refuzoi 400 milionë euro në sezon, për të luajtur me Barcelonën: për ta bërë, Messi zgjodhi Inter Miami

Barcelona ose Miami, Miami ose Barcelona. E ardhmja e Lionel Messi ka dy destinacione, me emërues të përbashkët detin dhe diçka më shumë. Hipoteza e milionave që e çonte në Arabinë Saudite duket se është zbehur. Pikërisht kështu, sepse janë nxehur bisedimet për ta sjellë Pleshtin te Inter Miami në MLS. Pastaj është Barcelona që për argjentinasin do të thotë shtëpi, familje. Këto ndjenja vënë në dyshim gjithçka, në kërkim të një zgjidhje që t'i kënaqë të gjithë, lojtarin të parin. Dy botë të ndryshme, skenarë dhe pritshmëri të kundërta brenda dhe jashtë fushës. E megjithatë, ato mund të përzihen në një nga ato marrëveshje shumë të komplikuar. Inter Miami, në fakt, duket se ka një avantazh në mundësinë e nënshkrimit të kontratës me Lionel Messi. Asgjë për t'u habitur, duke qenë se kontaktet dhe bisedimet vazhdojnë prej vitesh. Por sigurisht avantazhi ka një konteskt të çuditshëm. Negociatat mes MLS - që menaxhon kontratat e të gjithë lojtarëve - dhe stafit të lojtarit janë gjallëruar. E, siç raportojnë burime të ndryshme të besueshme në Shtetet e Bashkuara, akordi mund të mbërrijë që në fillim të verës. Më saktë, menjëherë pas përfundimit të afatit: kontrata e Messit me PSG në fund të qershorit. Lexo më tej: 800 milionët e sheikëve nuk bindin aq shumë, babai i Leo Messi: “Ai dëshiron të kthehet te Barcelona” 35-vjeçari, në fakt, mund të nënshkruajë një kontratë shumëvjeçare dhe shumë të pasur me MLS. Destinacioni është Inter Miami, siç deklaroi biografi i tij Guillem Balague në Twitter: “Messi ka vendosur: Inter Miami”. Një lëvizje që do t'i lejojë të mbajë derën hapur për Barcelonën. Në fakt, siç shkruan L'Equipe, hipoteza e një huazimi 12-mujor te katalanasit mbetet e gjallë. Një vit tjetër si blaugrana përpara se të rikthehet për të përfunduar karrierën në Shtetet e Bashkuara të Amerikës.

Messi has decided. His destination: Inter Miami Leo Messi se va al Inter Miami

— Guillem Balague (@GuillemBalague) June 7, 2023