Një aksident i rëndë është regjistruar në kryeqytet, ku një 20-vjeçar ka përplasur për vdekje me motomjet një 75-vjeçare. Sipas informacioneve paraprake ngjarja ka ndodhur mbrëmjen e së shtunës në Rrugën e Dibrës, ku 20-vjeçari me iniciale E.M ka aksidentuar të moshuarën. Pas përplasjes ajo është dërguar me urgjencë në spital por nuk ka aritur ti mbijetojë plagëve të marra dhe ka humbur jetën.
Si pasojë e aksidentit, edhe drejtuesi i motomjetit ka mbetur i plagosur, i cili ndodhet në spital nën kujdesin e mjekëve, jashtë rrezikut për jetën. Specialistët e Komisariatit të Policisë Rrugore Tiranë kanë bërë arrestimin në flagrancë të 20-vjeçarit, ndërsa materialet procedurale i kaluan Prokurorisë për veprime të mëtejshme.
