Pas skandalit të ndotjes së ujit të pijshmën në Vlorë, një tjetër rast është denoncuar në lagjen 'Xhevdet Nepravishta', ku uji që furnizon banorët shfaqet i ndotur. Uji që del nga rubinetet paraqitet me ngjyrë të errët dhe, sipas banorëve, shoqërohet me erë të rëndë.
Pamjet janë publikuar nga deputeti Saimir Korreshi, i cili ka ironizuar situatën, duke pretenduar se problemi është denoncuar disa herë, por pa marrë një zgjidhje konkrete.
“Bashkia na ka hapur “parfumeri falas” në çdo rubinet me erë të rëndë që të merr frymën. Është denoncuar disa herë, por përgjigja zyrtare mbetet ajo e zakonshmja.”, shkruan deputeti Korreshi.
Ky është rasti i dytë i raportuar në Lushnjë për ujë të ndotur në rubinetet e banesave, duke ngritur shqetësime për cilësinë e furnizimit dhe sigurinë e konsumatorëve. Deri më tani, nuk ka një sqarim zyrtar për shkaqet e ndotjes së raportuar.
