Deputeti i Partisë Demokratike, Klevis Balliu ka reaguar, pasi Sekretariati i Etikës e përjashtoi me 60 ditë nga seancat plenare në parlament. Duke folur për mediat, Balliu tha se është absurde, që goditja me vezë të cilësohet si një akt dhune. Ai theksoi ndër të tjera se çdo vendim vjen me urdhër të kryeministrit Edi Rama.
"E para ndodh vetëm prej urdhrit të sugar dady të Gys Agasit shokut Edvin. Nuk ka rregullore që përjashton deputetët për 2 muaj. Hera e parë që morëm vesh se veza qenka lëndë piroteknike. Jo se e bën veza. Veza nuk është lëndë piroteknike në mendimin tim. Shishja e parë lëshohet nga PS. Nuk ka njeri nga PS që të merret masë prej tij. Neve na kërkohet përjashtimi për 2 muaj. Kemi ofenduar Niko Peleshin. Çfarë e kemi ofenduar? Ministrat e tjera? As nuk e di kush janë aty. Aty është vetëm Edi Rama. Minimalisht të na kursenin idiotësirat dhe të thonin të vërtetën se sugar daddy i Gys Agasit na ka urdhëruar,"tha Balliu.
