Departamenti Amerikan i Shtetit ka reaguar pasi rinisjes së misionit kërkimor të anijes turke në Mesdheun lindor, duke i bërë thirrje Turqisë që t’u japë fund “provokimeve të vazhdueshme”. Në një deklaratë të shpërndarë zëdhënësja e DASH, Morgan Ortagus ata i kërkojnë Turqisë që t’u japë fund sfidave, në mënyrë që të nisë dialogu me Greqinë.
“Shtetet e Bashkuara nuk e pranojnë njoftimin e Turqisë për të rifilluar aktivitetin e saj kërkimor në zonat në të cilat Greqia mban gjithashtu juridiksionin në Mesdheun Lindor. Shtrëngimet, kërcënimet, dhe veprimtaria ushtarake nuk do të zgjidhin tensionet në Mesdheun Lindor. Veprimet e njëanshme nuk mund të krijojnë besim dhe nuk do të prodhojnë zgjidhje të qëndrueshme. Ne e nxisim Turqinë t’i japë fund kësaj sfide dhe të lejojë fillimin e bisedimeve me Greqinë”, shkruan zëdhënsja e DASH.
