Me 83 vota pro, Kuvendi ka miratuar ditën e sotme ngritjen e Komisionit të Posaçëm për pretendimet në raportin e Dick Marty për luftën në Kosovë, që implikonte UÇK-në. Nga foltorja e Kuvendit, kreu i grupit parlamentar të PS-së, Taulant Balla tha se ky komisioni do të hetojë të gjitha pretendimet ku thuhet se në Shqipëri janë kryer krime kundër njerëzimit dhe krime luftre.
Gjatë fjalës së tij, Balla nuk ka kursyer ironitë për kryedemokratin duke thënë se ky Komision nuk ka për qëllimin hetimin e kreut të Partisë Demokratike Lulzim Basha, ndaj ai të rrijë i qetë.
