Ukraina raportoi se forcat e saj kishin qëlluar për vdekje zv.komandantin e flotës ruse të Detit të Zi, Andrey Paliy duke u shkaktuar një tjetër humbje të rëndësishme forcave të Vladimir Putin.
Paily, kapiten i rangut të parë, 51 vjeç, është i vetmi oficer i lartë detar që dyshohet të jetë vrarë në këtë luftë. Kievi pretendon se ka vrarë deri tani 5 gjeneralë të ushtrisë.
Vdekja e Paliy u konfirmua nga një mik rus, Konstantin Tsarenko, sekretar i këshillit publik të Shkollës Detare të Sevastopol Nakhimov, megjithëse nuk është pranuar zyrtarisht nga Moska.
Në rrjetet sociale thuhet se ai ishte përfshirë në sulmet e marinsave rusë pranë Mariupolit. Megjithatë, nuk dihen rrethanat e sakta të vdekjes së tij.
Paliy ka lindur në Kiev, por në vitin 1993 refuzoi të bënte betimin ushtarak ukrainas dhe në vend të kësaj zgjodhi të shërbente në Flotën Veriore Ruse.
Ai kishte shërbyer më parë në kryqëzorin raketor bërthamor rus "Pjetri i Madh". Shërbeu gjithashtu edhe si nënkryetar i akademisë detare ruse në Sevastopol, në Krimenë e aneksuar. ©LAPSI.al
