Inspektoriati i lartë i Drejtësisë ka nisur hetimet për gjyqtarin Agron Zhukri i cili sot ka regjistruar statutin e Komisionit të Rithemelimit të Sali Berishës për ndryshimet statutore të miratuara në Kuvendin e mbajtur më 11 dhjetor 2021.
Më herët, ishte kryetari i komanduar i PD, Enkelejd Alibeaj i cili e cilësoi si një vendim në nivelet e një skandali dhe theksoi se do të bëjnë kallëzim penal ndaj gjyqtarit për shpërdorim detyre. Kallëzimi u zyrtarizua pak më vonë nga Gazmend Bardhi.
Ndonëse Ivi Kaso tha se mund të ankimohet vetëm nga pala e grupit të rithemelimit, Alibeaj theksoi se do të bëjnë ankimim pasi është vendim që prek interesat e tyre.
