Komiteti Ekzekutiv i UEFA-s, i mbledhur në Lisbonë më 4 prill, miratoi lindjen e Këshillit të të Mençurve ku bën pjesë edhe Carlo Ancelotti. Sipas gazetës spanjolle ‘Marca’, është hera e parë që krijohet një organ i tillë konsultativ futbollistik i nivelit të lartë. Takimi inaugurues i Bordit të Futbollit të UEFA-s do të mbahet më 24 prill në Shtëpinë e Futbollit Evropian në Nyon. Do të bëhet një ngjarje vjetore në kalendarin e UEFA-s. E krijuar për t'i dhënë asaj një zë institucional, por të pavarur në të gjitha çështjet që lidhen me futbollin.
Do të mblidhet edhe Bordi, i kryesuar nga Zvonimir Boban (ish-lojtar i AC Milan). Kroati do të ketë edhe mbështetjen e Roberto Rosetti (shefi i arbitrave të UEFA-s). Do të jetë një platformë me një angazhim të fortë dhe proaktiv ndaj ish-lojtarëve dhe trajnerëve elitë. Njerëz që kanë përvojë dhe njohuri të gjerë në fushën e lojës dhe futbollit. Do të bëhet një forum i hapur, që do të përdoret për të mbrojtur futbollin dhe për të diskutuar dhe shkëmbyer ide të lidhura drejtpërdrejt me lojën.
DETYRA DHE KRITERET
Këshilli i të Mençurve do të fokusohet në disa çështje kyçe, duke përfshirë rregullat e lojës dhe të arbitrit. Në fokus do të jetë edhe lista e ndeshjeve të UEFA-s, zhvillimi i elitës së të rinjve, taktikat dhe mirëqenia e lojtarëve. Përzgjedhja e anëtarëve të bordit do të bazohet në arritjet e jashtëzakonshme sportive. Mes tyre edhe fitimi i trofeve të mëdhenj, apo mbi 100 paraqitjet për ekipin kombëtar. Gjithcka që imponon reputacion dhe respekt në rang ndërkombëtar.
Lexo më tej: “Futbolli përcakton kush jemi”: Ceferin rizgjidhet president i Uefa-s, Duka anëtari më i votuar i KE
ANËTARËT E KËSHILLIT TË TË MENÇURVE
Ata që janë zgjedhur si pikënisje, mes titujve të panumërt, kanë fituar 30 trofe të UEFA Champions League. Anëtarët e konfirmuar të Bordit janë José Mourinho, Carlo Ancelotti, Zinedine Zidane, Paolo Maldini, Fabio Capello, Javier Zanetti, Luis Figo, Philipp Lahm, Ronald Koeman, Gareth Southgate, Rio Ferdinand, Michael Laudrup, Rafa Martinez Predrag, Roberto Mijatovic, Jurgen Klinsmann, Rudi Voller, Petr Cech, Juan Mata, Robbie Keane.
