Ministri i Transportit i Spanjës, Óscar Puente, ka përjashtuar mundësinë e dorëheqjes pas aksidentit tragjik hekurudhor në Toledo, ku humbën jetën 69 persona. Ai deklaroi se prioriteti i tij është zbardhja e plotë e ngjarjes dhe marrja e masave për të parandaluar përsëritjen e tragjedive të tilla.
Sipas raportimeve nga mediat e huaja, Puente bëri të ditur se dyshimet e para të hetimit lidhen me një gabim të mundshëm në qendrën e kontrollit të Adif, institucionit përgjegjës për infrastrukturën hekurudhore. Megjithatë, ai theksoi se nuk do të nxitohet në përcaktimin e përgjegjësive pa përfunduar hetimet. Ministri u shpreh se nuk do të përdorë asnjë punonjës si fajtor për të shmangur përgjegjësinë institucionale, ndërsa garantoi se do të ketë masa nëse konstatohen shkelje apo mangësi.
“Detyrimi im nuk është të shqetësohem për qëndrimin në detyrë, por të zgjidh problemin”, deklaroi ai, duke shtuar se qytetarët meritojnë transparencë dhe përgjigje të qarta.
