Në pikën e kalimit kufitar të Kakavijës strukturat doganore kanë parandaluar një rast të dyshuar të kontrabandës së mallrave, pas kontrollit të një autobusi të linjave të transportit të udhëtarëve.
Gjatë kontrolleve në hyrje të territorit të Republikës së Shqipërisë, agjentët doganorë kanë përzgjedhur autobusin për verifikim fizik. Nga inspektimi i mjetit, është zbuluar një sasi e konsiderueshme mallrash të padeklaruara, të cilat dyshohet se po tentoheshin të futeshin kontrabandë në vend.
Mes mallrave të sekuestruara janë steka me cigare, produkte parfumerie dhe artikuj të ndryshëm veshjesh.
