Kryeministri britanik, Andy Burnham deklaroi se Brexit nuk ka “evoluar” siç iu ishte premtuar qytetarëve, ka dobësuar ekonominë dhe marrëveshja aktuale nuk është mjaftueshëm e mirë, por përjashtoi çdo ndryshim të rëndësishëm gjatë mandatit aktual parlamentar.
Kryeministri tha se Britania kishte përfunduar me një “Brexit më të vështirë se ai i propozuar gjatë fushatës së referendumit”.
Duke mbrojtur rregullat më të rrepta të imigracionit të Ministrisë së Brendshme, Kryeministri britanik theksoi se Brexit ka dobësuar aftësinë e Mbretërisë së Bashkuar për të kontrolluar kufijtë e saj, pasi nuk mund të deportojë më njerëz në Evropë.
I pyetur nëse donte që Britania të ribashkohej me Bashkimin Evropian, Burnham tha:
“Kam thënë se do të jem i sinqertë dhe do të them se, gjatë jetës sime, do të doja ta shihja të ndodhte, por nuk do ta shtyj opinionin publik. Nuk do të imponoj pikëpamjet e mia këtu. Populli britanik është ai që vendos.”
