Jesús de Miguel ka ndërruar jetë pas përplasjes me portierin Jesús Owono, në minutat e fundit të ndeshjes mes Tenerifes dhe Andorras, e vlefshme për La Liga 2. Portieri i Andorras doli në mënyrë të pakontrolluar ndaj lojtarit, në përpjekje për t'i paraprirë dhe për të rikuperuar topin, duke e goditur në kraharor dhe më pas në kokë. Goditje këto që shkaktuan arrestin kardiorespirator të sulmuesit.
Owono u ndëshkua menjëherë me karton të kuq nga arbitri. Fillimisht, pas ndëshkimit, ai po largohej drejt dhomave të zhveshjes, por pak më vonë u kthye për t'u interesuar mbi gjendjen e Jesús de Miguel. Për futbollistin e Tenerife, megjithatë, ndërhyrja e menjëhershme dhe transportimi në spital, pas ndihmës së parë që mori nga personeli mjekësor në fushë, nuk mjaftuan që të shpëtonte.
Portieri i Andorras ndodhet tashmë në gjendje të qartë shoku dhe, për momentin, nuk ka ndërmend të kërkojë falje publikisht, por fillimisht në mënyrë private. Ndërkohë, Owono, i cili u detyrua edhe të mbyllte profilet e tij në rrjetet sociale pas asaj që ndodhi, rrezikon një pezullim të gjatë, por edhe pasoja nga pikëpamja penale.
Mientras Jesús De Miguel era retirado en camilla, a Owono ni siquiera le salió agachar la cabeza y juntar las palmas de las manos en un mínimo gesto de respeto y disculpa Cabeza alta, actitud absolutamente repudiable https://t.co/89voemJSal
— (fan) LOCOS REAL MADRID (@LocosRealMadrid) November 2, 2026
Procedimi penal i mundshëm
Procedimi penal është i mundur, por jo i sigurt. Ai do të kërkonte një proces gjyqësor për të vlerësuar nëse ndërhyrja e portierit e ka tejkaluar kufirin e një faulli të zakonshëm në lojë dhe nëse ka pasur qëllim të paramenduar. Karriera e portierit nuk është domosdoshmërisht e përfunduar, por kjo ngjarje do të lërë një shenjë të pashlyeshme në rrugëtimin e tij në botën e futbollit. Portieri mori karton të kuq dhe, sipas rregullores, pezullimi për dy ndeshje është i sigurt. Megjithatë, duke parë përmasat e tmerrshme të asaj që ndodhi dhe vdekjen e sulmuesit të Tenerifes, është e qartë se rikthimi në fushë i portierit të Andorras do të duhet të presë.
Sipas Kodit Disiplinor, neni 102, që lidhet me veprimin e dhunshëm gjatë lojës që shkakton pasoja të rënda dëmtuese, parashikon pezullim nga 4 deri në 12 ndeshje. Vendimi do të marrë sigurisht në konsideratë natyrën e përplasjes dhe pasojat e saj. Megjithatë, një pezullim i gjatë për portierin duket pothuajse i sigurt. Nga pikëpamja penale, ende nuk ka një hetim zyrtar të konfirmuar ndaj portierit pas vdekjes së Jesús de Miguel, por një hetim i tillë mund të nisë. Gjithçka do të varet, sigurisht, nga qëndrimi i familjes.
🎙️ Iván Álvarez explica cómo se encuentra Jesús Owono tras la acción con Jesús de Miguel 🇬🇶 "Jesús Owono está muy afectado por la situación" 🙏 "La intención de Owono es la de disculparse de manera privada antes de hacer ninguna manifestación pública" 📻 #PartidazoCOPE https://t.co/70yc9VQZfR
— El Partidazo de COPE (@partidazocope) November 2, 2026
Mbetet për t'u kuptuar nëse, në vijim të ndërhyrjes së Owono, veprimi i tij mund të cilësohet si i qëllimshëm. Në raste të tilla, neni 147 i Kodit Penal parashikon nga 3 muaj deri në 3 vjet burg ose gjobë. Mungesa e një qëllimi të dukshëm për të vrarë e zvogëlon sigurisht këtë mundësi, por dhuna e daljes së portierit dhe përfundimi fatal mund të çojnë në përgjegjësi për pakujdesi të rëndë.
Owono u largua nga fusha i shoqëruar nga thirrjet kundër tij të tifozëve të Tenerifes, të cilët thuhet se kanë treguar se portieri kishte reaguar edhe në mënyrë të zemëruar, sikur të donte t'i sfidonte. Me sa duket, në atë moment ai ende nuk e kishte kuptuar plotësisht situatën.
