Një person humbi jetën nga përplasja dhe rrëzimi i dy helikopterëve teksa po përpiqeshin të uleshin në rajonin e malit Everest të Nepalit. Policia vendase i tha AFP-së se dyshohet se viktima është një shtetas indian.
Një video që regjistron momentin e përplasjes vdekjeprurëse po qarkullon në internet.
“Një person vdiq në vend” dhe një person i dytë "u dërgua në spital", tha për AFP-në Nabin Raja Budhathoki, shefi i policisë në distriktin Soluhumbu, pa dhënë detaje.
WATCH: 2 helicopters collide into each other in Everest Base camp in Solukhumbu, Nepal, killing 1 person and injuring another. https://t.co/uaFnX6FpjV
— AZ Intel (@AZ_Intel_) November 3, 2026
Helikopterë të vegjël përdoren shpesh në malet Himalaje për të transportuar turistë, alpinistë dhe furnizime, ose për të kryer operacione kërkim-shpëtimi.
Megjithatë, terreni veçanërisht i vështirë dhe kushtet meteorologjike i bëjnë fluturimet ndonjëherë shumë të rrezikshme. Mijëra alpinistë dhe vizitorë vizitojnë Nepalin çdo vit, vendin ku ndodhen 8 nga 14 malet më të larta në planet. ©LAPSI.al
