Shefi i Departamentit të Inteligjencës në Ministrinë e Mbrojtjes së Ukrainës, gjeneral brigade Kirill Budanov tha se vendi i tij e dinte për përgatitjen e sulmit nga ana e Rusisë që në nëntor të vitit të kaluar.
“Para dhe pas fillimit të armiqësive, burimet tona në Rusi dhanë shumë informacione për planet e Putin”, - tha Budanov, duke specifikuar se bëhej fjalë për burime brenda në Kremlin.
“Ne kemi burime, shumë burime që funksionojnë për ne. Në ushtri, në qarqet politike, si dhe në administratën presidenciale. Falë funksionimit të suksesshëm të vëzhgimit kibernetik, Ukraina ishte në gjendje të hynte në të gjithë kompleksin e mbrojtjes ushtarake në Rusi. Falë të dhënave që siguruam, u arrit të prishen planet e Kremlinit”, - tha ai për agjencinë “Unian”. ©LAPSI.al
