Një aksident i rëndë me pasojë vdekjen ka ndodhur pak para mesnatës të së enjtes pranë TEG-ut. Automjeti i ambasadës ruse është përplasur me banderolën metalike të rrugës. Si rrjedhojë mjeti ka dalë nga rruga duke u përplasur më pas me bordurën. Kjo ka sjellë humbjen e jetës së shtetasit rus S.M, 36 vjeç.
Policia e Tiranës ka dhënë detajet rreth aksidentit të rëndë.
NJOFTIMI I POLICISE:
Më datë 11.05.2023, rreth orës 23:10, te mbikalimi në Mjull Bathore, automjeti i ambasadës ruse, me drejtues shtetasin A. K., dhe pasagjer shtetasin S. M., është përplasur me banderolën metalike të rrugës, ka dalë nga rruga dhe më pas është përplasur me bordurën.
Si pasojë e plagëve të marra nga përplasja, ka ndërruar jetë në spital shtetasi rus S. M., 36 vjeç, ndërsa shtetasi A. K., 30 vjeç, ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.
