Festë e prishur për Barcelonën, që në javën e 35 të La Liga, në daljen e saj të parë si kampione e Spanjës, humbi në shtëpi ndaj Real Sociedad 2-1. Vendimtar ishin golat e Merino dhe Sorloth, ndërsa në fund erdhi goli, pa vlerë, i Lewandowski. Fiton Villarreal, duke mposhtur Girona 2-1 në shtesë të plotë. I njëjti rezultat edhe për Athletic Bilbao, që fitoi ndaj Celta Vigo, ndërsa Almeria mposhti Mallorca 3-0. Mbyllet në barazim 1-1 Getafe-Elche.
Humbje për Barcelonën, që në Camp Nou u mposht nga Real Sociedad 2-1. Blaugranat u munduan menjëherë të merrnin kontrollin e ndeshjes, me qarkullim topi për të hapur mbrojtjen baske. Socieda ishte në pritje dhe rinisej rrezikshëm përpara. E pikërisht nga një kundërsulm erdhi avantazhi i miqve. Në minutën e 6' Koundé humbi një top të keq në dalje nga i cili përfitoi Sorloth, që pasoi për Mikel Merino, i ftohtë përballë Ter Stegen. Barça reagoi dhe shkoi afër barazimit me Dembélé, i cili u ndalua nga ndërhyrja providenciale e Remiro. Lewandowski insistoi pa fat me një goditje dënimi, por baskët rrezikuan të shkonin me dy gola avantazh në pushim. Goditja tokazi e Cho u devijua falë reflekseve të portierit gjerman.
Në pjesën e dytë, ndeshja u bë më fizike, me mundësi të pakta. Real Sociedad u mbyll për të mbrojtur avantazhin, ndërsa Barça qarkulloi topin pa mundur të gjente goditjen vendimtare. Skuadra e Xavi nuk bëri keq dhe kështu vizitorët përfituan sërish. Në minutën e 72' një tjetër kundërsulm vdekjeprurës dhe një asistim perfekt për Sorloth, që firmosi dyfishimin bask. Në fund, në minutën e 90', blaugranat shkurtuan diferencën me një goditje me kokë nga Lewandowski. Goli i 22 në kampionat për polakun, që nuk mjafton. Përfundon kështu 2-1 për Real Sociedad, që mori pikë themelore në garën për një vend në Champions League. Baskët janë në vendin e katërt me 65 pikë. Mbetet me 85 pikë Barcelona, që fundjavën e kaluar festoi titullin kampion në Spanjë.
Spain LaLiga Santander
Girona 1-2 Villarreal
Athletic Bilbao 2-1 Celta Vigo
Almeria 3-0 Mallorca
Getafe 1-1 Elche
Barcelona 1-2 Real Sociedad
