Operacione intensive po zhvillohen në zonën e Abazës në Krujë, ku prej orësh vijon zjarri që ka përfshirë malin. Sipas Ministrisë së Mbrojtjes, në ndërhyrje janë angazhuar tre helikopterë të Forcës Ajrore. Operacioni po zhvillohet njëkohësisht nga toka dhe ajri.
Terreni i thepisur po e vështirëson punën e forcave zjarrfikëse. Helikopterët po kryejnë hedhje të vazhdueshme uji për të izoluar vatrat. Flakët dyshohet se janë shkaktuar nga dora e njeriut. Në terren ndodhen edhe strukturat vendore, ndërsa puna vijon për vënien e plotë të zjarrit nën kontroll.
