“Përshtypjet e para janë padyshim negative, ne nuk jemi të kënaqur me këtë penalitet. E prisnim faktin që erdhi në parandeshje, kështu që nuk na ndikon dhe nuk na ndryshon. Megjithatë, të bëjmë ndonjë koment të mëtejshëm tani është shumë shpejt". Kështu është shprehur Francesco Calvo, Chief Football Officer, pas dënimit të Gjykatës Federale të Apelit. "Mundësia e një ankimimi? Kjo është qartazi një mundësi, por fillimisht duhet të lexojmë motivacionin. Ato do të zbardhen në ditët në vijim e mund të kuptojmë kufijtë për një apel të mëtejshëm," shtoi Calvo.
Gjithashtu për këtë arsye nuk është e lehtë të bësh një bilanc të sezonit. "Më shumë se një bilanc, ne bëjmë një analizë të vazhdueshme. Duhet të kuptojmë cila është tendenca dhe cili do të jetë rezultati përfundimtar i sezonit. Ne i bëjmë këto analiza për t'u përpjekur të përmirësohemi, sepse ky është qëllimi i klubit. Juventus kërkon dhe duhet të luftojë gjithmonë për fitore. E në të gjitha arsyetimet që bëjmë së bashku me trajnerin në ndërtimin e sezonit të ardhshëm, është të përpiqemi të përmirësojmë veten. Të bëjmë atë që u jep kënaqësi tifozëve tanë, që është fitorja”, shtoi ai.
E përsëri: “Ky ka qenë një sezon shumë i ndërlikuar, është ende i ndërlikuar dhe i paparashikueshëm. Edhe pse merita e madhe e rezultateve që kemi arritur është se kemi qenë në luftë deri në fund, pothuajse deri në fund në Europa League dhe në vendin e dytë në kampionat, është e trajnerit dhe lojtarëve. Unë i kam parë djemtë të përqendruar këto ditë. Ata kanë treguar se janë njerëz të mëdhenj para se të jenë lojtarë të mëdhenj në këtë sezon, duke mbajtur lart përqendrimin. Ata luftuan kundër të gjithëve dhe të gjithckaje”.
