Në ndeshjen e fundit të javës së 36 të Serie A, Juventus u shemb 4-1 në Empoli. E, pas dënimit me -10 pikë, kjo disfatë i bën bardhezinjtë ta shohin kualifikimin në Champions League një mirazh. Të dielën është sfida direkt me Milan, që mund të administrojë një epërsi prej 5 pikësh me dy ndeshje nga fundi. Bardhezinjtë e nisën mirë dhe i vendosën në vështirëi toskanët për një çerek ore. Traversa me kokë e Milik (13') ishte mundësia më e mirë për miqtë. Nga një hero i mundshëm, polaku u kthye në një protagonist negativ kur në minutën e 17' pengoi Cambiaghi në zonë. Nga penalltia Caputo nuk gaboi dhe Empoli kaloi në avantazh. Kaluan vetëm tre minuta dhe në minutën e 21' Luperto dyfishoi duke devijuar pranë portës, pasi Szczesny bëri mrekullinë ndaj Akpa Akpro. Në fillim të pjesës së dytë, Caputo gjeti trisin dhe dygolëshin personal pas një topi të humbur nga Alex Sandro. Në minutën e 85' Chiesa befasoi Vicario duke shënuar golin e flamurit. Në minutën e 92, megjithatë, Empoli mbylli llogaritë me Piccoli, që kompletoi pokerin.
Me kokat e rënduara nga eliminimi i së enjtes në gjysmëfinale të Ligës së Evropës dhe nga penaliteti -10 pikë, i shpallur sonte, pak minuta nga fillimi, Juventusi rrëzohet në Castellani 4-1. Bardhezinjtë brenda dy orëve kalojnë nga vendi i dytë në të shtatin në renditje. Një goditje e tmerrshme për teknikun Allegri dhe të gjithë njerëzit e Juventus. Bardhezinjtë duhet të mposhtin Milan të dielën për të ushqyer shansin e tyre të mbetur për zonën Champions. E mundur? Mënyra e vetme është të ofrohet një performancë e ndryshme nga ajo në Toskanë, ku Zonja ishte e brishtë, e frikësuar dhe jokonkluzive. Përballë një Empoli të përmbushur falë shpëtimit të hershëm, ishte e arsyeshme të pritej një Juventus i zemëruar për shkak të "goditjes" së dyfishtë të bërë nga Sevilla dhe Gjykata Federale e Apelit. Në vend të kësaj, brenda tre minutash, Alex Sandro dhe shokët e tij u shkërmoqën nën goditjet e Caputo dhe Luperto. Reagimi ishte zero ose pothuajse. Më keq se kaq...
